bng.xinzodalimia

No marco da campaña eleitoral das eleicións Xerais do 14-M celebrouse unha xuntanza cos pataqueiros da comarca á que acudiron o noso Portavoz Nacional, Anxo Quintana, e varios membros das candidaturas do BNG por Ourense ó Parlamento do estado.

Xosé Manuel Puga, candidato ó Congreso, denunciou na súa intervención a falta de interés do partido gobernante por esta comarca e lembrou algúns dos temas que preocupan ó colectivo, ademáis das promesas reiteradamente incumplidas polo partido que nos goberna (sic) dende tódolos ámbitos da administración.

Anxo Quintana e Tereixa Paz reiteraron, unha vez máis, o compromiso firme do BNG coa nosa terra, os nosos problemas e coa busca de solucións para os mesmos.

Unha vez máis asistimos á total falta de respecto polo noso patrimonio natural por parte dos mesmos de sempre coa excusa de publicitar a un candidato, que semella bastante descoñecido dado o esforzo realizado polos obreiros do partido en pegar e repegar cartaces do mesmo por toda a contorna e nos lugares máis insospeitados e, ás veces, máis desafortunados.

Dende o PP de Xinzo téñennos acostumados á lamentable práctica de caracterizar ás nosas árbores cos diferentes caretos dos sucesivos candidatos a ocupar postos en tódalas administracións existentes. Esta agresión debería ser impedida polos responsables do partido con instruccións claras neste senso ós grupos de pega-cartaces que envían a realizar estas labouras.