bng.xinzodalimia

Fotos no flickr

Ante a inminente celebración da VIII Festa do Esquecemento os vindeiros dias 22, 23 e 24 de Agosto e sendo as ribeiras do río Limia, anexas aos Parques do Toural, un dos espazos máis representativos e centrais da Festa (Paso do Río) e dada a deplorábel situación na que se encontran en canto a lixo, maleza silvestre e falla de limpeza e conservación tanto das ribeiras como das augas, o BNG de Xinzo insta ao Grupo de Goberno perante escrito rexistrado nesta data a que se adopten as medidas pertinentes para que se leve a cabo tanto a limpeza do abundante lixo e basura das ribeiras, como da maleza agreste incontrolada, así como na medida do posíbel, a da superficie da auga desa zona do Limia que ofrece unha imaxe de descoido e desidia total.

• Nota de imprensa (pdf, 84kb)

Fotos no flickr

O xoves 14 de agosto, na Alameda do Toural de Xinzo, comezou o percorrido por todo o País da exposición “Transformando Galiza”, unha iniciativa a través da cal o BNG pretende dialogar coa sociedade galega e amosarlle o traballo das consellarías nacionalistas na Xunta de Galiza durante estes tres últimos anos.

Nesta ocasión contamos coa presenza de diversos representantes institucionais do BNG, comezando polo Conselleiro do Medio Rural, Alfredo Suárez Canal, quen aproveitou para lembrar e reiterar a aposta decidida do Bloque Nacionalista Galego pola Limia como unha das principais comarcas agrícolas do País con proxectos e iniciativas como o Banco de Terras, o Plan Especial de Infraestruturas, o Plan de Regadío, as axudas á incorporación á agricultura dos mozos e mozas, etc.

Outros cargos do Bloque que tamén se achegaron ata Xinzo foron Tereixa Paz, Vicepresidenta do Parlamento, Xosé Manuel Pérez Bouza, Senador, Xosé Rodríguez Cid, Delegado de Medio Rural, Bieito Seara, Director Xeral de Acción Social, ademáis de alcaldes e concelleiros doutros concellos limiáns, todos eles acompañados do noso portavoz Amador Díaz.

Referencias:

• La Región (15-08-2008): Suárez Canal destaca a Xinzo como ejemplo ‘da forte aposta do BNG polo medio rural’
• La Voz de Galicia (15-08-2008): Suárez Canal coloca a Xinzo como comarca estratéxica no desenvolvemento do rural galego

Fotos no flickr

Diante das reiteradas peticións e manifestacións de malestar chegadas ao Grupo Local do BNG de veciños e usuarios relativas ao estado de abandono e acumulación da maleza resultante da poda estacional das árbores que delimitan a Estrada de Celanova, vimos de rexistrar un escrito no Concello denunciando o problema e reclamando que se tomen medidas ao respecto dado o perigo de accidente que supoñen, tanto para os viandantes como para o tráfico rodado, e o grave risco de incendio que conleva este abandono masivo e reiterado de maleza seca a carón dunha vía co tráfico da Estrada de Celanova.

• Escrito presentado no Concello (pdf, 67kb)
• Nota de imprensa (pdf, 83kb)

Relacionadas:

• [03-03-2008] O BNG esixe responsabilidades políticas polo atentado ecolóxico acontecido en Faramontaos
• [27-07-2007] O BNG reclama a limpeza do Río Raposo tras a poda das árbores da súa beira realizada por operarios do Concello

Referencias:

• Ourensedixital (08-08-2008): El BNG advierte al Concello de Xinzo de los riesgos para las personas y de incendio que supone no recoger la maleza de las podas