bng.xinzodalimia

O proxecto deseñado pola Consellaría aportará a Xinzo novos equipamentos e zonas verdes, creando espazos públicos de calidade dos que tan necesitados estamos, daralle unha solución á beira do Río Limia nese tramo e materializará as previsións do Plan de Urbanismo en vigor completando o desenrolo dunha zona estratéxica da vila, nas inmediacións do Colexio Rosalía de Castro e da Galescola, acabando coa idea de que a vivenda protexida debe estar en localizacións periféricas dos concellos. A aposta pola calidade na ubicación deste tipo de vivendas, que van dirixidas tanto ás familias con rendas medias como ás necesitadas, será exemplo do novo urbanismo ao servizo da xente que sempre defendeu o BNG, e que neste caso se traducirá en 11.500m2 de zonas verdes e máis de 2.000m2 dotacionais nos que se poderán ubicar no futuro equipamentos sociais, deportivos ou culturais.

• Nota de imprensa (pdf, 85kb)
• Memoria descriptiva (pdf, 104kb)

Ligazóns:

• Consellaría de Vivenda e Solo (27-10-2008): Plan Sectorial Galego de Solo Residencial

O noso compañeiro do BNG de Xinzo, Emilio-Xosé Rodríguez, foi nomeado esta semana novo Xerente de Xestur. Os integrantes do Grupo Local de Xinzo estamos certos de que levarás adiante unha laboura eficaz e ao servizo de Ourense, de Galiza e da Limia facendo País desde a túa nova responsabilidade como xa fixeches (e seguirás a facer) dentro do noso grupo á fronte da Área de Economía. Desexámosche moita sorte e sempre contarás co apoio e alento dos militantes de Xinzo. Noraboa, Emilio!