bng.xinzodalimia

Neste tema o BNG celebra a rectificación do alcalde de Xinzo, Isaac Vila, ao respeito da nosa proposta do ano 2006 sobre a necesidade dun proxecto de circunvalación ao núcleo de Xinzo que eliminase a tráfico pesado do centro da vila. Non deixa de resultar sorprendente e paradoxal, mais en calquera caso revelador do papel que xogan moitos parlamentarios galegos nas Cortes estatais, o feito de que o Sr. Vila, naquela altura senador polo Partido Popular, non soubera moi ben o que estaba rexeitando co seu voto en contra da moción que o BNG presentou na Cámara Alta. O mínimo esixíbel a un representante da soberanía popular sería un pouco de seriedade e adicación no desempeño da súa laboura, máis aínda cando se está a dilucidar unha iniciativa para o propio concello no que exerces de Alcalde.

Con todo, para clarexar definitivamente as ideas do Sr. Vila, o BNG nunca propuxo un trazado para esta circunvalación, nós limitámonos a por enriba da mesa a súa necesidade e o primeiro paso era precisamente realizar un estudo do cal deberían saír alternativas de execución que logo serían analizadas e debatidas.

O feito de eliminarmos o tráfico pesado do corazón da vila permitiría avanzar na súa humanización e consolidación como núcleo comercial e de servizos. Xinzo debe subir un chanzo na súa vocación terciaria e isto pasa pola consecución dun entorno accesíbel para os vehículos, con boas vías de comunicación e zonas de aparcamento distribuídas na periferia, e dun centro urbano atractivo e agradábel pensado e deseñado para o uso e desfrute dos peóns. Levamos moito tempo perdido, Isaac Vila, á fronte dos seus sucesivos gobernos, que en 25 anos nunca tivo unha idea para o noso concello, ten agora unha oportunidade inmellorábel de comezar a traballar por Xinzo comprometéndose con este proxecto.

Polo norte: Estrada Xinzo-Vilar de Barrio

Diante de novas aparecidas hai poucos días nas que se nos anuncia un posíbel “asfaltado” desta pista agrícola, hoxe empregada acotío para a comunicación rodada cos pobos da zona norte do noso concello e cos concellos veciños de Sarreaus e Vilar de Barrio, desde o BNG de Xinzo coidamos que a intervención nesta vía debería ser moito máis ambiciosa e así o recollemos na moción presentada en decembro de 2008 (aprobada por unanimidade no Pleno de 18.12.2008) na que propuñamos a súa conversión en estrada autonómica con dous obxectivos fundamentais: artellar acaídamente a comunicación desta parte da comarca e solucionar a problemática dos numerosos cruces a nivel existentes no trazado para mellorar a seguridade viaria e eliminar puntos negros que se teñen cobrado a vida de moitas persoas.

• Nota de imprensa (pdf, 91kb)

Referencias:

• La Voz (28-07-2009): Os nacionalistas de Xinzo reclaman un compromiso firme sobre a circunvalación
• OurenseDixital (28-07-2009): El BNG pide un compromiso firme del Concello para la futura Circunvalación de Xinzo de Limia
• Radio Limia – Cadena SER (28-07-2009): El BNG celebra que el alcalde esté a favor de una circunvalación para Xinzo

A aprobación dos orzamentos a estas alturas do exercicio convirte este feito transcendental nunha simple obriga legal sen repercusión práctica na xestión económica diaria do Concello. O documento máis importante na vida administrativa municipal fica relegado a un mero trámite burocrático e, en consecuencia, o seu debate e aprobación son para o alcalde e o grupo de goberno unha penalidade adiada ata o límite, mais imposíbel de evitar, e que hai que superar o menos dolorosamente posíbel.

Entrando a valorar o orzamento en si, unha vez máis a partida de Persoal se leva a mellor tallada (51%) no capítulo de gastos, repetindo a tendencia de anos anteriores e representando unha autentica lousa para as arcas municipais, isto en si mesmo non supón ningunha novidade ao reproducir mimeticamente as políticas caciquís tradicionais do PP en todas as administracións que controla. A recadación por impostos directos e indirectos cae, como consecuencia fundamentalmente do parón da construción polos efectos da crise, mentres que os ingresos por taxas se prevé que aumenten logo das últimas revisións e actualizacións. O capítulo de inversións programadas polo Concello é virtualmente inexistente e pódese afirmar que este ano o Grupo de Goberno do PP non vai abordar ningunha obra de transcendencia con cargo aos recursos municipais. Neste senso descúbrese claramente a influencia do Plan Estatal de Investimento Local que lle permite ao PP cubrir o expediente agardando ao que poida acontecer no vindeiro exercicio cando, en teoría, se comecen a notar os efectos benéficos do novo “goberno amigo” da Xunta de Galiza.

Análise especial, pola súa repercusión, merece o Real Decreto Lei 5/2009, de 24 de abril, de medidas extraordinarias e urxentes para facilitar ás Entidades Locais o saneamento de débedas pendentes de pago con empresas e autónomos. Este decreto que, de terse aprobado o orzamento en tempo e forma non aparecería reflectido neste documento, supón un balón de osíxeno inesperado que permite maquillar as contas deste ano ao recollérense no capítulo de ingresos os 2 millóns de euros da operación de endebedamento concertada ao abeiro do mesmo. Como contrapartida o Concello ten que aprobar un Plan de Saneamento que garanta a devolución deste crédito nun prazo de 6 anos, por desgraza a única medida concreta que contempla este plan consiste na suba escalonada dos tipos do IBI nos vindeiros catro exercicios para levalos dos actuais 0,40% en urbana e 0,35% en rústica ata o 0,54% e 0,51%, respectivamente, é dicir, máis unha vez os veciños e veciñas de Xinzo serán os que paguen a desidia, desgoberno e falta de xestión de 25 anos de alcaldía de Isaac Vila e de Partido Popular.

En resumo, como vimos denunciando exercicio tras exercicio, para o PP non existe unha idea de Xinzo nin unha visión a medio prazo de cara onde debiamos camiñar e, consecuentemente, non hai unha estratexia nin se traballa cara un obxectivo nin nada semellante. Isaac Vila e todo o seu equipo non saben o que queren facer co noso concello e o resultado son políticas de “gravilla e chapapote” para tapar os furados e ir saíndo do paso en espera de tempos mellores.

• Nota de imprensa (pdf, 114kb)

Referencias:

• Radio Limia (17-07-2009): Hoy se debaten los presupuestos municipales para 2009
• La Región (18-07-2009): Xinzo destina la mitad del presupuesto de este año a financiar gastos de personal
• OurenseDixital (20-07-2009): O Concello de Xinzo gasta máis da metade dos orzamentos deste 2009 en pagar ao seu persoal
• La Voz (21-07-2009): O BNG de Xinzo critica a subida do IBI prevista para os catro próximos anos no concello

Fotos no flickr

No día de hoxe un tráiler de gran tonelaxe bloqueou por completo durante toda a mañá o cruce da Estrada de Baltar (Avd. de Damil) coa Pista Armada a consecuencia de botarse fóra da calzada dadas as limitacións no perímetro de xiro no firme asfáltico, sendo necesario un guindastre para a súa incorporación á vía de novo.

O tráfico pesado que ten que circular pola vila ou o seu extrarradio tópase con infinidade de problemas circulatorios que a diario, e en moitos casos como o desta mañá, representan auténticos obstáculos insalvábeis.

Desde o BNG lémbrase que no ano 2006 o actual alcalde (daquela tamén senador) Isaac Vila, rexeitaba co seu voto en contra na Cámara Alta un estudo e desenrolo dunha circunvalación para Xinzo cos conseguintes efectos negativos para o sector do transporte e para a cidadanía en xeral que estamos a comprobar acotío. A día de hoxe os traballos de licitación e construción da circunvalación a proposta do BNG poderían estar en marcha si o alcalde Vila tivera apoiado a iniciativa que conlevaría outros efectos positivos como a humanización da N-525 e a promoción do comercio local, parcela vixiada para o transporte pesado local, rede viaria moderna e axeitada e unha maior fluidez e desconxestión do tráfico pesado do centro da vila.

E por todo elo que desde o BNG denúnciase a pasividade do Grupo de Goberno nunha cuestión estratéxica para o desenrolo de Xinzo como é a da circunvalación, así como alto custe de desprazamento e accidentes que representa para o sector a negativa e ausencia desta necesaria infraestrutura.

• Nota de imprensa (pdf, 88kb)

Referencias:

• La Región (18-07-2009): El BNG propone al Concello una circunvalación para camiones

Fotos no flickr

Xornada cultural conmemorativa do Día da Patria con formato de mesa redonda en espazo público aberto. Agasallaremos a cada un dos asistentes ao acto cun carballo cativo que poderán plantar para que medre e un día sexa testigo da liberación nacional do noso País.

O xurdimento. Do sindicalismo agrario ao nacionalismo político. Primeiros referentes. Andrés Taboada
Xinzo da Limia, da etnia a nación. Percorrido histórico polo nacionalismo limián dende a Transición. Xesús Losada Laxe
Vilar de Santos, oasis na desertización da conciencia limiá. Eivas históricas e procesos cognitivos. Xosé Antón Xardón Dacal
Unha ollada ao conxunto nacional. Bieito Alonso Fernández
A diversidade europeísta. O Nacionalismo democrático como marco de convivencia e interrelación identitaria. Ana Miranda
Unha perspectiva de futuro. Espazo nacionalista non acoutado. Anxo Quintana

cuarta-feira, 22 de xullo, 20:15h, Praza de San Roque, Xinzo da Limia

Referencias:

• Radio Limia (21-07-2009): El BNG celebrará el ‘Día da Patria’ al aire libre
• La Voz (22-07-2009): Xinzo celebra hoxe unhas xornadas sobre a historia do nacionalismo na comarca
• La Región (22-07-2009): Unas jornadas desgranan la historia del nacionalismo gallego en A Limia